ავტორი დავით ცხვარაძე:
90-იან წლებში საქართველოში განვითარებულმა მოვლენებმა საქართველოს მოქალაქეებს თავის გადასარჩენად სხვადასხვა გზებისკენ უბიძგა, ზოგი ქვეყნიდან გადაიხვეწა და უცხოეთში ნაშოვნი ფულით არჩენდა ოჯახს, ზოგმაც კრიზისს ვერ გაუძლო და უკიდურეს ფორმას, თვითმკვლელობას მიმართა, ზოგმა კი ლუკმაპურის საშოვნელად მაღალპროცენტიანი სესხი აიღო და ასე გადაწყვიტა ეარსება.
რუბრიკის სტატია ეძღვნება ე.წ კერძო მევახშეებისგან და ბანკებისგან დაზარალებული ადამიანების პრობლემებს, სადაც ისინი საკუთარი გაჭირვების შესახებ ჩვენს მკითხველს უამბობენ, გთავაზობთ ინტერვიუს ე.წ იპოთეკით დაზარალებულ პირებთან, ვინც ბანკის თუ კერო პირის მიერ გასესხებული მაღალპროცენტიანი სესხით სარგებლობს, მაგრამ ფორსმაჟორული მდგომარეობის გამო მის დაფარვას ვერ ახერხებს და ნახევარზე მეტმა საცხოვრებელი ან დაკარგა, ან მისი დაკარგვის საფრთხის წინაშე დგას.
რესპონდენტი: მარინა სუპატაშვილი
ქვეყნის ნგრევა ჯერ კიდევ შევარდნაძს დროიდან დაიწყო, როდესაც ე.წ პრივატიზაცია გამოცხადდა.
ფაბრიკა-ქარხნების პრივატიზაცია კი არა, “პრიხვატიზაცია” მოხდა , პირველ ეტაპზე ფაბრიკა-ქარხნები მუშა მოსამსახურეებმა შეიძინეს ,მაგრამ მეორე ეტაპზე იძულების წესით ჩამოართვეს მშრომელ ხალხს ქონება და კლანური გადანაწილება მოხდა, ამიტომ მშრომელი ხალხი უმუშევარი დარჩა ,ეკონომიკურმა კრიზისმა მოსახლეობას სახლებიდან ძვირფასი ნივთების გამოტანა და გაყიდვა დააწყებინა , ეს ყველაფერი რომ ამოუთავდათ ქვეყნიდან გადინება დაიწყეს საზღვარგარეთ, მოჯამაგირეებად და იაფ მუშახელად, ხოლო მათი გამოგზავნილი ფულებით ხელისუფლება სარგებლობდა , საბანკო ბრუნვებით გადასახლებებით და ასე შემდეგ .
არასწორ პრივატიზაციას შეურიგებელმა მოქალაქეებმა , სამართლის საპოვნელად პროკურატურას მიმართეს, მაგრამ ვერ იპოვეს , რადგან სამართალი არც მაშინ არსებობდა , ადამიანების გასაჭირმა პიკს რომ მიაღწია, ოპოზიციად მოგვევლინა შევარდნაძის უბეში გამოზრდილი გველის წიწილები , რომლებმაც ქვეყანა დაყვეს და იბატონეს .
ამ დროს გამოჩნდა ვითომ სამშობლოს ტკივილით გულანთებული ანტიყმაწვილი მიხეილ სააკაშვილი, რომელსაც შევარდნაძის სიძულვილის გამო ხალხმა გაუთვიცნობიერებლად მისცა ხმა და პრეზიდენტად აირჩია.
2003 წელს სააკაშვილის საქართველოს პრეზიდენტად მოსვლის შემდეგ ხალხს ეგონა რომ უკეთესი მომავალი ექნებოდა, მაგრამ შეცდა, მიშამ მოიყვანა მისი ხროვა , ყოველივე ქართულის წაშლა დაიწყეს და განაცხადეს, ისტორიის ათვლას პირველები ჩვენ ვიწყებთო.
მართლაც საქართველოში პირველად დაიწყეს აღვირახსნილი ცხოვრება , შექმნეს სიკვდილის ბრიგადები და თუ ვინმე წინ აღუდგებოდა ქუჩაში ხვრეტდნენ, მაგალითად (გურამ შარაძე ) და კიდევ მრავალი სხვა.
ორასმა კაცმა მოირგო ქვეყანაში და ქვეყნის გარედ ფუფუნებით ცხოვრება, დანარჩენი საქართველო ღატაკად აქციეს , ხალხის ნაკადი არალეგალუური გზით დღემდე გაედინება საზღვარგარეთ.
რამდენი ჭაობში დაიხრჩო , რამდენი მესაზღვრეებმა დახვრიტეს , რადგან გადაპარვით მიდიოდა, რამდენი დედა გათხოვდა , რამდენმა კაცმა დაანგრია ოჯახი, რის გამოც ქუჩაში დარჩენილი შვილები არასწორ გზას დაადგნენ და მიშას ხროვამ გზა ციხისკენ გაუკვალა. შემოიღეს გირაოს წესი, ამ დროს ყოველ ორ მეტრში გახსნეს ბანკები , მიკროსაფინანსო ორგანიზაციები, ცოტა ხანში მას მოჰყვა ე.წ მევახშეების ინსტიტუტის ჩამოყალიბება, რომელიც იმ დროს ბევრ გაჭირვებულს დაეხმარა, თუმცა საბოლოოდ ეს ყველაფერი ხშირ შემთხვევაში უსახლკაროდ დარჩენით ან უარეს შემთხვევაში თვითმკვლელობით დასრულდა.
ხალხი ხელისუფლების დაგებულ მახეში გაება, ბანკებიდან დაიწყეს კრედიტების გამოტანა, მაგრამ მაღალი პროცენტის გამო უმეტესობამ მისი დაფარვა ვერ შეძლო,სწორედ აქ დაიწყო დიდი დეპრესია.
ბანკების შემდეგ აქტუალური გახდა კერძო პირების, ე.წ მევახშეების თემა, რომლებიც ბანკებთან შედარებით, უფრო მაღალპროცენტიან სესხებს გასცემდნენ, მაგრამ ხალხი იძულებული იყო რისკზე წასულიყო, ადამიანებს ეკონომიკურ კრიზისთან ერთად სულიერი კრიზისიც დაეწყო.
გასაჭირში მყოფი იძულებული ხარ დადო კაბალური ხელშეკრულება და თანხმდები სულ მცირე წლიური 60$პროცენტს გადახდას, კრედიტი კი განუზომლად იზრდება, ეს ბიზნესი კი არა ყაჩაღობაა, მაგრამ ამ ყაჩაღების ლობისტი ვინ არის ?….
უდიდესი შეცდომა დაუშვა ბიძინა ივანიშვილმა, ქართველ ხალხს ფიცი მისცა, ოღონდ ამირჩიეთ და უკეთეს მომავალს მოგიტანთო ,დანაპირები მართლაც ზღაპრად დარჩა , ქართველმა ხალხმა იწამა ბიძინას სიტყვა, ქუდზე კაცი გამოვიდა და ურჩხული დაამარცხეს.
მეორე წელი დაიწყო, ბიძინა მოვიდა და კიდევაც წავიდა, მაგრამ ქართველი ხალხის მდგომარეობა გაუარესდა ვიდრე ოდესმე ყოფილა ,ქვეყანაში მევახშეობის ეპიდემია ბობოქრობს.
მოსახლეობის თითქმის 50-60 % საცხოვრებელს კარგავს, გააქტიურდა იპოთეკით დაზარალებული მოსახლეობა და პარლამენტს მიადგნენ , მოსახლეობა დაბალპროცენტიან, გრძელვადიან სესხს ითხოვს , რასაც ივანიშვილი დაჰპირდა, მაგრამ დაპირება დაპირებად დარჩა.
პარლამენტში პატიოსანმა დეპუტატებმა კანონპროექტი შეიმუშავეს და ხალხს დახმარებას დაჰპირდნენ , პროექტი პირველი მოსმენით მიღებულია ,მე-2 და მე-3 მოსმენაზე კი სხდომათა დარბაზში ბომბის შესაძლო არსებობის გამო გამოცხადებული განგაშის გამო მოსმენა ჩაიშალა.
რამოდენიმე დღეში ტელევიზიით გამოდის ბიძინა ივანიშვილი, ბლოკავს საკითხის განხილვას და ავტორის მიერ წარდგენილ კანონპროექტს სიყმაწვილის თავხედობას უწოდებს.
ივანიშვილმა წასვლამდე განაცხადა, საზოგადოებრივ სექტორში გადავდივარ.,მაგრამ ისეთ გუნდს დავტოვებ ჩემს დანაპირებს გააკეთებსო ,ირკვევა რომ ბიძინა კი არ წავიდა გაიქცა, წასვლა დაერქმეოდა თუ დანაპირებს შეასრულებდა და შემდეგ წავიდოდა , ვის იმედზე დაგვტოვა ბიძინამ?, რომელ დეპუტატსაც ვხვდებით და დანაპირებსაც ვახსენებთ პასუხს ასეთს გვეუბნებიან :” მე არაფერს დაგპირებივართ ვინც დაგპირდათ პასუხიც იმას მოსთხოვეთო”, ხოლო თითს კი ბიძინასკენ იშვერენ .
რაც შეეხება დეპუტატ დავით საგანელიძეს, მას ბიზნესი და ყაჩაღობა არ უნდა ეშლებოდეს, ოთხი მოწვევის დეპუტატია, სხვა არაფერი უკეთებია ქვეყნისთვის , საკუთარი ბიზნესის გაფართოებისა და დაცვისათვის და ამის იმედზე დაგვტოვე ბატონო ბიძინა ? ასევე არ უნდა ესწავლებოდეს ბიზნესი და ყაჩაღობა იურისტს .დ. კუკაშვილს , რომელთანაც ამ საკითხთან დაკავშირებით ვინ არ ვიშუამდგომლეთ მასთან, მაგრამ არ შეგვხვდა “ჩორნი ხოდებით დადის პარლამენტში” .
უნიათოები არიან, გამოდის რომ ესენი ბიძინას საყვარელი მევახშეები არიან , ახლა რატომ დუმს ? როცა ვკითხეთ საკითხთან დაკავშირებით პასუხი გაქცეულმა გვიპასუხა, “ეს საკითხი ჭედავსო”, ფრთხილად მევახშე სიდედრების დეპუტატო სიძეებო , დროზე მოეგეთ გონს,
თორემ ეკონომიკურად სულიერად განადგურებული ხალხის გაბოროტება ძვირად არ დაგიჯდეთ!
ბატონო ბიძინა თქვენ მოღალატე უფრო ხართ ქართველი ხალხისა ვიდრე აღმშენებელი, თქვენ ხალხს ყველაზე დიდი რამ წაართვით მრწამსი მოუკალით , იმედი წაართვით, ქუჩაში განადგურებული დატოვეთ , სად არიან ახლა თქვენი შვილები ? რომლის ხათრითაც პოლიტიკაში მოხვედით ?
ბერამ კი სიმღერით „ საქართველო ჩვენ ვართო” ქვეყანა შემოიარა , ახლა ვუსვამ კითხვას ორივეს ვინ დაგვეხმარება გაჭირვებულ ხალხს ? ბერა, მევახშეები მამათქვენმა დაიცვა.
ეხლაც იმღერებ მამაჩემის მეტი არ მყოლია მე კერპიო ? ჩვენ ის ქართველები ვართ , რომლის პრობლემაც საქართველოში წარმოიშვა და ამ ქვეყანამ უნდა მოაგვაროს კიდეც , თუ ჩვენი გადახდილი თანხის პროცენტი ბიუჯეტში შედის, მაშინ რატომ არ არის ხელისუფლება
პასუხისმგებელი ჩვენი საკითხის მოგვარებაში? ვინ ლობირებს ამ უთოფო ყაჩაღებს .
ორჯერ მოგვატყუეთ ბატონო ბიძინა ქართველი ხალხი , ერთხელ საპარლამენტო არჩევნებზე, როდესაც ნდობის გამოცხადება გვთხოვეთ და იმაზე მეტს გაგიკეთებთ ვიდრე დაგპირდითო . მართლაც არც ერთ ხელისუფლებას რომ არ გაუკეთებია ის გააკეთეთ , საცხოვრებელი სახლები დაგვატოვებინეთ .და თქვენ დაიბრუნებთ აფხაზეთს და ოსეთს ?
მეორე საპრეზიდენტო არჩევნებზე ერთხელ კიდევ მოგვატყუეთ , მენდეთ და ჩემი არჩეული პრეზიდენტი აირჩიეთო, აქაც რომ მოგვატუეთ და “სამი თითის კომბინაცია” გაგვიკეთეთ . მესამედაც ხომ არ აპირებ ჩვენს მოტყუებას ? ადგილობრივ არჩვენებთან დაკავშირებით?ეხლა ვნახოთ ვინ მიიღებს სამი თითის კომბინაციას!
შევარდნაძიდან დაწყებული ნგრევა სააკაშვილმა გაანაგრძო და ბიძინამ საბოლოოდ დაუსვა წერტილი ქვეყანას.
50-60 პროცენტი გაკულაკებულია , არა ოქრო, არა ძვირფასი ნივთი , არა საცხოვრებელი, არა სამუშაო .
ნუ გძინავთ ქართველებო, სამართალი არც შევარდნაძის არც სააკაშვილის და არც ივანიშვილის დროს არ ყოფილა , თორემ სამართალი რომ ყოფილიყო ხელისუფლების სახვეწარი რა გვექნებოდა ?
ხალხის გულუბრყვილობით ისარგებლეთ და ააგეთ ოცნების კოშკები, რომელმაც ბევრი ახლაც მეოცნებე დატოვა მარტო.
ხალხი ჭამს ერთმანეთს, არა ეს ჯობია დ არა ესო, ხელისუფლებამ რა გააკეთა ან ერთმა ან მეორემ? .
გამოფხიზლდით ქართველებო ერს სიამაყე ხომ არ დაგვიკარგავს, ერთად დავდგეთ და ამ უცხო ქვეყნებიდან მართული კაცუნები აღლუმით გავაცილოთ ჩვენს მიწა წყლიდან ,მალე ადვოკატების სიას მოგაწვდით ფაქტებთან ერთად.
ვამზადებთ საერთო სარჩელს თაღლით მევახშეებზე , ვნახოთ როგორ დაგვიცავს სამართალი , ხელისუფლების წარმომადგენლები უარს არ გვეუბნებიან, დროს წელავენ , მესამე არჩევნებს ჩაგვატარებინებენ და შემდეგ ამოგვკრავენ ალიყურს , ყველაზე დიდი ინვესტორი მოვიყვანეთ სათავეში და ინვესტიცია სად გვეძებნა ? ჩვენზე გაცემული სესხი თუ არ გაამდიდრებდა ბიძინას არც აზარალებდა , მაგრამ ისევ გრძელდება ქართველების და ქართული ოჯახების განადგურება , რადგან საქართველომ როგორც ტრადიციულმა ქვეყანამ არ უნდა იარსებოს . ეს მოწოდება დღემდე ძალაშია .