ავტორი დავით ცხვარაძე .
დღეს, აკაკი წერეთლის სახელმწიფო უნიუვერსიტეტის მთავარ ფოიეში, უნივერსიტეტის 80 წლის საიუბილეო კვირეულის ფარგლებში, საინჟინრო -ტექნოლოგიური ფაკულტეტის გამოყენებითი დიზაინისა და მსუბუქი მრეწველობის ტენოლოგიის დეპარტამენტის პატრონაჟით, ეროვნულ მოტივებზე შექმნილი სამოსის დეფილე მოეწყო.
უნივერსიტეტის სტუდენტებმა 7 დიზაინერის მიერ შექმნილი 30-ზე მეტი ნაციონალური სამოსი წარადგინეს.
დეფილეში 20 მოდელი იღებდა მონაწილეობას, ისინი წინასწარ ჩატარებული კონკურსის წესით შეიჩნენ. დეფილეში მონაწილე გოგონების შერჩევის მთავარი კრიტერიუმები იყო მათი გამორჩეული ფიზიკური მონაცემები და წერეთლის უნივერსიტეტის სტუდენტის სტატუსი.
„დღეს, უნივერსიტეტის იუბილესთან დაკავშირებით გავმართეთ დეფილე, სადაც ჩვენი სტუდენტები იღებენ მონაწილეობას, მათ წარადგინეს ეროვნულ მოტივებზე შექმნილი სამოსი, განახლებული კოლექციიდან, რომლის ნაწილი შარშანდელ დეფილეზე უკვე აჩვენეს მოდელებმა თეთრ ხიდზე გამართულ ჩვენებაზე. უკვე ტრადიციად იქცა უნივერსიტეტში მსგავსი სახის ღონიძიებები რასაც მივესალმებით“-განაცხადა საინჟინრო-ტექნოლოგიური ფაკულტეტის გამოყენებითი დიზაინისა და მსუბუქი მრეწველობის ტენოლოგიის დეპარტამენტის ხელმძღვანელმა ნინო დოლიძემ.
ნინო დოლიძის თქმით, გაზაფხულზე კიდევ ერთი ჩვენება გაიმართება.
ერთ-ერთი მოდელმა ნინო ლოსაბელიძემ განაცხადა: „ჩემთვის მნიშვნელოვანია ამ დიზაინერების მიერ შექმნილი სამოსის წარდგენა, ხშრად ვიღებ მსგავს დეფილეებში მონაწილეობას და მოხარული ვარ, რომ უნივერსიტეტის სახელით გამოვდივარ“.
მოამბე 