ქუთაისის მერიამ და gipa–ს უნივერსიტეტმა დღეს ურთიერთ თანამშრომლობის მემორანდუმი გააფორმეს. მემორანდუმი ითვალისწინებს ადგილობრივი თვითმმართველობის საჯარო მოხელეების მომზადებას და ეფექტური მმართველობის დანერგვას.
მემორანდუმს ხელი ქუთაისის მერის მოვალეობის შემსრულებელმა შოთა მურღულიამ და საზოგადოების საქმეთა ინსტიტუტის წარმომადგენელმა ნანა ქაშაკაშვილმა მოაწერეს.
„მემირანდუმის მიზანია ურთითიერთ თანამშრომლობა იმ საკითხებში, რაც უნივერსიტეტს აქვს. მემორანდუმის ფარგლებში მერიის საჯარო მოხელეები გადამზადდებიან უნივერსიტეტის ბაზაზე. ჩვენი სურვილია ადგილობრივ თვითმმართველობაში პროფესიონალი კადრები დასაქმდნენ, ამიტომ მერიაში მიერ გამოცხადებული ვაკანსიების და კონკურსების შესახებ ეტაპობრივად ეცნობება უნივერსიტეტს, რათა მაღალი იყოს ჩართულობა. GIPA იღებს პასუხისმგებლობას და გამოხატავს მზადყოფნას დაეხმაროს ქუთაისს მმართვლობის სისტემის გაუმჯობესებაში, როგორც ელექტრონული ასვე სხვადასხვა სისტემების დანერგვის კუთხით“–აღნიშნა ქუთაისის მერის მოვალეობის შემსრულებელმნა შოთა მურღულიამ.
მოამბე 